歐洲區E組，比利時主場迎戰白俄羅斯。「歐洲紅魔」比利時攻力強橫，射手盧卡古腳風順，連續兩場分組賽均取得入球，為爭出線，主場出擊不容有失，但佢哋後防集中力不足，近7場有6場有失波，當中5次半場開2球或以上，遇正踢法開放嘅白俄羅斯，肯定一開波就狂攻，1.5球半場大絕對玩得過。（周三凌晨2時45分開賽）
「歐洲紅魔」先以3比1擊敗威爾斯，再1比1逼和捷克，前鋒盧卡古兩仗都有入波，不過，值得留意嘅係，比利時雖然保持不敗，但兩場都係先失波嗰隊，球隊防線集中力不足。後防重心華美倫及維頓漢均年過34，不論配搭里昂中堅積臣丹拿雅抑或係熱刺嘅艾達韋列特，都未能替比利時保住清白身。比利時近7場只有1場可以保持不失，而且好多時上半場已經失守，呢7仗就有5次半場開出總入球2球或以上。
白俄羅斯上仗大勝愛沙尼亞4比2，效力莫斯科火車頭嘅前鋒利沙高域治梅開二度。白俄羅斯踢法開放，入得又失得，娛樂性十足，近5場賽事，上半場同對手合共炮製14個入波，全部半場開2球或以上，今場遇着攻力強橫嘅比利時，站在睇波角度一定正，至於投注就可以揀1.5球半場大。
捷克團戰反咬威爾斯
同組另一場，威爾斯在上周中首輪反輸畀比利時，防守唔多穩陣，單靠「大聖爺」加里夫巴利惡唔出樣；捷克近4仗取得3勝1和，包括上仗打和比利時，整體表現唔差，今仗可望反客為主，客勝要得過。（有線603台周三凌晨2時45分直播）
足球推荐网为广大球迷朋友们提供该场赛事的基本面解读、近期战况、综合分析、赛事推荐等信息。找全方位的足球信息服务，上足球推荐网！
