足球推荐网为广大球迷朋友们提供该场赛事的专家分析、双方形势、足球推荐网早盘心水等信息。找全方位的足球信息服务，上足球推荐网！
今晚英超另一重頭戲，阿仙奴主場同車路士上演「倫敦打吡」。阿仙奴連續8場本土賽事不勝，單計聯賽近5仗4敗，淪落到要護級，眾將出現嚴重信心危機，主帥阿迪達亦冇晒計，車仔趁機追打落水狗，讓平半上盤值捧。（Now 621及611周日凌晨1時30分直播）
阿仙奴可以話係近期英超狀態最曳球隊，隊長奧巴美揚缺態之餘，近期更受傷今仗上陣成疑，貴價中場湯馬士柏迪仲未完全康復，被視為「救星」嘅加比爾馬天尼利又一傷再傷，「兵工廠」可謂雪上加霜。「兵工廠」剛於英聯盃被曼城大炒1比4淘汰出局，聯賽成績更曳，依家以14分排第15位，距離降班區僅有4分優勢。主帥阿迪達場場重用毫無表現嘅韋利安，日前仲化身《賭俠》入面嘅侯賽因，試圖話數據都解釋唔到球隊點解戰績咁差勁，全部歸咎於冇運，證明佢束手無策。
林伯用人更勝「達Sir」
同「達Sir」相反，車路士聯賽兩連敗後，主帥林柏特果斷棄用表現麻麻嘅貴價貨夏維斯，上場即以3比0大勝韋斯咸。36歲老將堤亞高施華防守出色之餘更先開紀錄，進攻組合譚美阿巴謙、迪姆華拿及美臣蒙特亦靈活多變。何況車仔上屆英足盃決賽輸畀阿仙奴，令「林伯」錯失入主後首個冠軍，今仗狹路相逢必踩多腳，實行為球迷送份聖誕禮物補數，上盤有計。
