足球推荐网为广大球迷朋友们提供该场赛事的专家分析、双方形势、足球推荐网早盘心水等信息。找全方位的足球信息服务，上足球推荐网！
今晚英超頭場，阿士東維拉主場硬撼阿仙奴。維拉箭頭奧尼屈堅斯自打破入球荒後，腳風轉順；阿仙奴亦有鋼門賓特尼奴及中堅大衞雷斯坐波監，令防守力嚴重削弱，加上近年碰頭常演入球騷，2.5球嘅入球大咪錯過。
（Now 621周六晚8時30分直播）
維拉箭頭奧尼屈堅斯一度連續9場聯賽食白果，好彩近期巴克里傷愈復出，同時亦「放生」埋屈堅斯。維拉周中1比3不敵韋斯咸一仗，屈堅斯又有入波，自1月中打破入球荒後，近4場聯賽入3粒，而喺佢9場入球荒前，正係首循環作客大勝阿仙奴3比0，屈堅斯包辦兩球，可見佢速度及衝擊力，令「兵工廠」防線風聲鶴唳。不過，維拉近6仗聯賽輸4仗，而今季從阿仙奴加盟後表現穩健嘅門將達米安馬天尼斯，上仗面對韋斯咸嘅連格兩番射門，都少有地甩手導致失波，影響信心。
近4次交手炮製13球
阿仙奴周中聯賽作客狼隊，因球證誤判而食「全餐」，令中堅大衞雷斯領紅牌兼輸12碼，其後鋼門賓特尼奴犯錯出禁區用手救波而被逐，打少兩個下最終輸波，兩人今場都要停賽，新加盟嘅後備門將馬菲賴恩亦有傷，焗用欠穩嘅溫拿臣把關。後防唔掂惟有靠進攻掩飾防守漏洞，其中尼高拉斯比比明顯回勇，配合弗爆嘅拿卡錫迪，攻力有保證。何況雙方近4次交手，合共炮製13個士哥，其中3場開3球或以上，大盤抵玩。
