歐洲區G組第3輪，黑山主場硬撼挪威。黑山開局2連勝入6球，全因賽程有利，對完同組最弱兩隊之後，今仗火併實力高一個檔次嘅挪威，將遇上真正考驗；挪威上仗慘吞土耳其3蛋，幾位新星艾寧夏蘭特、馬田奧迪加特備受壓力，誓要打翻身仗，隨時同黑山鬥攻，中位數2.5球入球大捧得過。（周三凌晨2時45分開賽）
黑山兩戰全勝睇落好勁，但其實只係賽程編排嘅結果。黑山首兩仗分別擊敗拉脫維亞及直布羅陀，兩個對手都係去年歐洲國家聯賽嘅D組級別球隊，身為C組級別嘅黑山贏波係好應該，不過該隊靈魂「黑山老妖」祖維迪腳風順亦係事實，呢位前鋒近3場國際賽攻入4粒，包括作客2比1贏拉脫維亞一役梅開二度，今仗對住不穩嘅挪威防線，隨時再有波入。
搶分出線唔衰得
G組出線資格理論上係荷蘭、土耳其、挪威之爭，挪威上仗主場對土耳其輸0比3，對爭取出線打擊甚大，不過依家唔係哭波喪嘅時候，最重要係盡快贏番波，而且對手黑山經歷2連勝後士氣高昂，加上主場出擊，今場絕對係硬仗。近年冒起嘅艾寧夏蘭特與馬田奧迪加特，今屆外圍賽仲未入到波，相信佢哋會把握今場國際賽檔期最後機會，搏盡搶攻。黑山當起，挪威就搏命求翻身，今仗碰頭將會係鬥攻格局，入球大好路。
足球推荐网为广大球迷朋友们提供该场赛事的基本面解读、近期战况、综合分析、赛事推荐等信息。找全方位的足球信息服务，上足球推荐网！
