足球推荐网为广大球迷朋友们提供该场赛事的数据分析、历史战绩、赛事推荐等信息。找全方位的足球信息服务，上足球推荐网！
C朗誤闖「疫區」有手尾！日前意甲班霸祖雲達斯喺意盃8強一戰中，由於對手只係乙組嘅史帕爾，因此祖記安排巨星C朗休息。據意大利《晚郵報》報道，C朗趁機去咗意大利北部度假，為女友喬治娜慶祝27歲生日，不過原來當地係新冠肺炎「高風險地區」，C朗因此面臨意大利防疫部門處分。
報道指，C朗一家人度假位置，距離都靈大約100公里，屬於疫情嚴重地帶，喺喬治娜社交網，見到C朗一家人開心切蛋糕，另外亦有人發布一條C朗同女友騎電動雪橇嘅影片。雖然該片段好快被刪除，不過由於涉及公眾衞生安全問題，C朗一家人此行已引起意大利防疫部門關注，更表明會秉公辦理，相信好快會向C朗發出告票。
叉足電祖記鬥森多「大」晒
至於祖雲達斯今晚喺意甲將作客鬥森多利亞，C朗叉足電有望復任正選，不過中場古路施夫斯基停賽，前鋒保羅戴巴拿續養傷；森多利亞近7場主場全開3球或以上，當中近4場主場贏3場，包括擊敗前列分子國際米蘭，今場取2.5球大。（myTV Gold 301、Now 638、有線654、614、662及602台周日凌晨1時直播）
