足球推荐网为广大球迷朋友们提供该场赛事的数据分析、历史战绩、赛事推荐等信息。找全方位的足球信息服务，上足球推荐网！
全新戲碼悉尼打吡
澳職今午爆發全新「悉尼打吡」，位於悉尼西南部嘅新軍FC麥克阿瑟，主場迎戰「地膽」FC悉尼。麥克阿瑟喺多名星級戰將打拚下，首季出戰澳職成績令人眼前一亮。另邊廂FC悉尼雖貴為冠軍熱門，但近期演出明顯喺水準以下，今場讓波靠唔住，捧麥克阿瑟讓球勝好路。（myTV SUPER周六下午4時10分直播）
FC麥克阿瑟雖然係澳職「新丁」，不過球隊組軍極有雄心，前英超射手達比舒利加盟相當矚目，呢位曾效力布力般流浪嘅英格蘭前鋒上場攻入登陸澳職第1球，帶領球隊作客2比1贏紐卡素噴射機，信心同狀態都夠晒保證。
FC悉尼攻擊力嚴重走樣
今仗預計麥克阿瑟會沿用近2場拎4分嘅班底，兩大西班牙中場馬高蘇沙亞達同比納特確保球隊能夠控制比賽，球隊今季控球率（59%）同傳球成功率（84%）都係澳職之冠，證明狀態大勇，主場出擊當然係信心保證。
衞冕嘅FC悉尼被視為冠軍大熱，陣中仍然有唔少頂級球員，不過受到方祖等主力離隊嘅影響，球隊似乎仍然未能消化，近4場比賽只係贏過1場。FC悉尼上季成功建基於穩健防守，但今季頭3場聯賽就失咗4球，而且王牌前鋒方祖離開後，把握能力大受削弱，數據顯示FC悉尼今季「預期入球」為場均1.9球，但近3場波只係入3球，可見球員把握入球能力極差，球隊依家攻同守都有問題，面對信心爆棚嘅FC麥克阿瑟難言穩勝。
