歐霸H組大戰，意甲AC米蘭主場鬥捷克球隊布拉格斯巴達。A米今季喺伊巴謙莫域帶領下重現勁旅本色，雖然呢位39歲老將今仗未必正選披甲，不過對手布拉格斯巴達未夠班，A米就算出副選勝算依然高。「紅黑兵團」今屆4場歐霸有3次半場領先，主Ｗ偏熱冇肉食，轉敲半場主勝好過。
（Now 645及有線603台周五凌晨1時55分直播）
A米上輪聯賽主場畀羅馬逼和3比3，意甲連勝走勢斷纜，不過依然喺榜首帶頭，士氣、信心冇受影響。「戰神」伊巴謙莫域上場搏足90分鐘，今場或會畀佢抖吓，好彩一班副選包括巴謙戴亞斯、達洛治等都有一定戰力，A米今屆歐霸外圍賽及附加賽鬥波杜基林特、里奧艾維都係喺「戰神」缺陣下順利過關，今晚主場出擊仍可睇高一線。
布拉格斯巴達今非昔比
布拉格斯巴達係奪得捷克頂級聯賽冠軍次數最多球隊（12次），不過最近一次已經係2013/14球季，證明佢哋實力今非昔比，上場分組賽作客里爾有超過半場時間打少一人，結果最終大敗1比4，上場領紅牌嘅中堅基利積斯今仗要停賽，防線可謂雪上加霜。既然A米今場主Ｗ偏熱欠分頭，可轉捧半場主勝。
足球推荐网为广大球迷朋友们提供该场赛事的基本面解读、近期战况、综合分析、赛事推荐等信息。找全方位的足球信息服务，上足球推荐网！
